Ýewropaly we ABŞ-ly biologlar fiziologiki dartgynlygyň täsiri astynda adamlaryň we haýwanlaryň biologiki ýaşynyň artýandygyny hem-de uzak dynç alyşdan soň çalt kemelýändigini anykladylar. Bu adamyň garramagyny haýallatmakda stresden soňky çalt dikeldişiň möhüm ornuny görkezýär. Bu iş Cell Metabolism žurnalynda çap edildi. Netijeler anna güni Garward uniwersitetiniň metbugat gullugynda habar berildi.
"Synaglarymyzyň netijesi agyr stresiň görnüşleriniň ölüm ähtimallygyny ýokarlandyrýandygyny, şol sanda adamyň biologiki ýaşyny düýpgöter ulaldýandygyny görkezýär. Bu stresden tiz gutulmak ukybynyň garramakda we uzak ýaşamakda möhüm rol oýnaýandygyny aňladýar. Mundan başga-da, häzirki wagtda fiziologiki stresiň çuňlugyna we stresden soňky dikelişiň hiline baha bermek üçin bioýaş ulanyp bileris" - diýip, metbugat gullugy Garward uniwersitetiniň (ABŞ) professory Wadim Gladyşewiň sözlerini getirýär.
