3-nji maýda Türkiýäniň prezidenti bilen bilelikde ýurduň iki welaýatynyň – Trabzon bilen Gýumýuşhanyň arasyndaky ýoly birleşdirjek “Zigana” tunneliniň açylyşy bolar.
TurkicWorld saýtynyň belleýşi ýaly, bu barada Türkiýäniň transport ministri Adil Karaismailoglu habar berdi. Özüniň beýanynda ministr uzynlygy 14,5 km bolan tunneliň ähmiýetini belläp geçdi.
“Biz dünýäniň täze ýüpek ýoluny gurýarys. Tunnel Türkiýäni Günorta Kawkaz döwletleri, Eýran we Ýakyn Gündogar bilen birleşdirer” – diýip, ol belledi.
Belläp geçsek, Gýumýuşhan welaýatynda tunneliň gurluşygy 2016-njy ýylyň aprel aýynda, Trabzon tarapdan bolsa şol ýylyň awgust aýynda başlady.
Şeýle-de, täze “Zigana” tunneliniň her ýyl ýangyçda we wagtda 58,1 mln lirany tygşytlamaga, atmosfera goýberilýän zyňyndylary 15 779 tonna azaltmaga mümkinçilik berjekdigini bellemek gerek.
