2023-nji ýylyň ýanwar-mart aýlarynda Özbegistanyň GDA ýurtlary bilen daşary söwda dolanyşygy 4,77 milliard dollara ýetdi, şolardan eksportyň mukdary 1,69 milliard dollar, importyň mukdary bolsa 3,07 milliard dollar.
Arkalaşygyň ýurtlary bilen daşary söwda dolanyşygynyň iň köp mukdary Russiýa (46,9%), Gazagystan (23.2%) we Türkmenistan (5.5%) bilen hasaba alyndy diýip, uzdaily.uz Özbegistanyň Statistika gullugyna salgylanyp habar berýär.
GDA ýurtlarynyň daşary söwda dolanyşygynyň paýy, 2022-nji ýylyň degişli döwri bilen deňeşdirilende, 1,9% ýokarlandy we 2023-nji ýylyň ýanwar-mart aýlarynyň netijelerine görä, daşary söwda dolanyşygyndaky paýy 32,3% boldy.
Şu ýylyň ilkinji üç aýynda, 2022-nji ýylyň degişli döwri bilen deňeşdirilende, GDA ýurtlarynyň eksportynyň paýy 8,1% artdy, importy bolsa 3,5% azaldy we 33,8% boldy.
Umuman, 2023-nji ýylyň ýanwar-mart aýlarynyň netijelerine görä, Özbegistana 155 ýurtdan harytlar we hyzmatlar getirildi. Importyň 2/3-den gowragy Hytaý, Russiýa, Gazagystan, Germaniýa, Koreýa Respublikasy, Türkiýe we Türkmenistan ýaly iri hyzmatdaş ýurtlardan gelýär.
