Amerikan elektromobil öndürijisi Tesla birinji çärýekde arassa girdejisini 24,2% azaltdy, şol bir wagtyň özünde girdeji şolar ýaly derejede ýokarlandy, ýöne çaklamalary ödemedi. Bu barada interfax.ru habar berýär.
Kompaniýanyň metbugat relizinde bellenilişi ýaly, ýanwar – mart aýlarynda onuň arassa girdejisi geçen ýylyň degişli döwründäki 3,3 mlrd dollar ýa-da paý üçin 95 sent bilen deňeşdirilende, 2,5 mlrd dollar ýa-da paý üçin 73 sent boldy.
Bir gezeklik faktorlary hasaba almazdan girdeji paý üçin 85 sent boldy, bu hem FactSet tarapyndan sorag edilen hünärmenleriň ortaça çaklamalary bilen gabat geldi.
Tesla-nyň girdejisi 24% ýokarlanyp, 23,3 mlrd dollara ýetdi. Ýöne çaklama has ýokary görkezijiniň – 23,6 mlrd dollaryň bolmagyna garaşypdy.
Geçen çärýek EBITDA boýunça girdejililik bir ýyl ozalky degişli döwürdäki tas 27% bilen deňeşdirilende, 18,3%-e çenli pese gaçdy, sebäbi kompaniýa şu ýyl elektromobilleriň bahasyny birnäçe gezek arzanlatdy.
Soňky üç aýda kompaniýanyň kapitallaşdyrmasy 42% (583,2 mlrd dollara çenli) ýokarlandy, Nasdaq indeksi bu döwürde 12% ýokarlandy.
