Google sarp edijileriň belli bir toparlaryna niýetlenen mahabat kampaniýalaryny döretmekde emeli aňy ulanmak kararyna geldi. Bu barada penşenbe güni Financial Times habar berdi diýip, TASS ýazýar.
Kompaniýa tarapyndan berlen maglumatlara görä, hünärmenler wideony, şekilleri we tekstleri neýrosete ýükläp bilerler we emeli aň bolsa maksatly diňleýjileri göz öňünde tutup, olardan material döreder.
Google eýýäm ownuk suratlary döretmek üçin botlary ulanýar, ýöne emeli aňyň soňky nesli bolan ChatGPT-iň analogy Bard-yň ornaşdyrylmagy bilen, tutuş mahabat kampaniýalaryny döreder.
OpenAI kompaniýasynyň ChatGPT çat-boty 2022-nji ýylyň noýabr aýynyň ahyrynda işe girizildi. Hyzmat ulanyjy bilen gepleşik görnüşinde aragatnaşyk saklaýar. GPT-3.5 dil modeline esaslanýan emeli aň goşmaça soraglara jogap berip, ýalňyşlyklaryny boýun alyp biler, nädogry ýerlerine garşy çykyp, ýerliksiz haýyşlary ret eder.
