Türkmenistan bilen Azerbaýjanyň arasyndaky haryt dolanyşygy 2023-nji ýylyň ýanwaryndan mart aýyna çenli geçen ýylyň degişli döwri bilen deňeşdirilende (38,92 million dollar) 5,4 esse artyp, 211,88 million dollara ýetdi diýip, Azerbaýjanyň Döwlet gümrük komitetiniň (DGK) maglumatlaryna salgylanýan Trend ýazýar.
Hasabat döwründe Türkmenistan Azerbaýjan bilen haryt dolanyşygynyň möçberi boýunça iň gowy 15 ýurduň hataryna girdi diýip habar berilýär.
Hasabat döwründe Türkmenistanyň Azerbaýjana eksporty 190 million dollar boldy, bu 2022-nji ýylyň degişli döwri bilen deňeşdirilende, 6,3 esse ýokarydyr (30,14 million dollar).
Bu döwürde Azerbaýjanyň importynyň umumy mukdaryndaky Türkmenistanyň paýy geçen ýylyň ilkinji üç aýyndaky 1,03 göterim bilen deňeşdirilende 4,71 göterim boldy.
Mundan başga-da, 2023-nji ýylyň ýanwar-mart aýlarynda Türkmenistan Azerbaýjandan importyny, 2022-nji ýylyň degişli döwri bilen deňeşdirilende (8,77 million dollar) 2,4 esse, ýagny 21,88 million dollara çenli ýokarlandyrdy.
Bu döwürde Azerbaýjanyň eksportynyň umumy mukdaryndaky Türkmenistanyň paýy, 2022-nji ýylyň ýanwar-mart aýlaryndaky 0,11 göterim bilen deňeşdirilende, 0,28 göterim boldy.
2022-nji ýylda Azerbaýjan bilen Türkmenistanyň arasyndaky haryt dolanyşygynyň 535,3 million ABŞ dollaryna barabar bolandygyny bellemelidiris.
