“Pari Sen-Žermeniň” hüjümçisi Kilian Mbappe Fransiýanyň çempionatynda geçiren gollarynyň sany boýunça klubuň rekordyny täzeledi. Hüjümçi Liga 1-iň 31-nji tapgyrynyň “Lans” bilen oýnunda gol saldy. Bu gol hem onuň üçin parižli toparyň düzüminde Fransiýanyň çempionatyndaky karýerasynda 139-njy boldy. Bu barada gazeta.ru habar berýär.
Öňki üstünlik “PSŽ” üçin oýunlarda 138 gezek tapawutlanan Edinson Kawanä degişlidi. Reýtingde üçünji orny Zlatan Ibragimowiç eýeleýär (113). “Pari Sen-Žermen” “Lans” toparyny 3:1 hasabynda utdy. Mbappeden başga-da, klub üçin Witinýa we Lionel Messi gol geçirdi.
“PSŽ” 72 utuk toplap, Fransiýanyň çempionatynyň ýaryş jedwelinde liderlik ornuny berkitdi. Ikinji orny eýeleýän “Lans” indi dokuz utuk yza galýar.
Öň habar berlişi ýaly, “PSŽ-niň” ýolbaşçylygy häzirki möwsümiň ahyrynda düzümde göwrümleýin arassalaýşy geçirmegi meýilleşdirilýär.
GFFN-iň maglumatlaryna görä, pariž kluby eger häzirki Liga 1 çempionatyndaky soňky dokuz oýunda ýeterlik derejede gowy çykyş etmeseler, Lionel Messi, Serhio Ramos, Karlos Soler, Witinýa, Renatu Sanşeş, Fabian Ruis, Huan Bernat we Ugo Ekitike bilen aýrylyşyp biler.
