Çaý somelýesi barada eşidip gördüňizmi?
Çaý somelýesi diýlip, çaýyň ys hem tagam görkezijilerine baha bermäge, şeýle hem onuň ysyny, düzümini suratlandyrmaga ukyply bolan adama aýdylýar. Kähalatlarda çaý somelýeleri çaýyň dünýäniň haýsy künjeginde ösdürilip ýetişdirilendigini kesgitlemäge hem ukyply bolýar. Başgaça oňa titester hem diýilýär. Iňlisçe «tea» (çaý) hem-de «test» (synag) sözleriniň utgaşmasy.
Dünýäde seýrek duşýan bu käriň eýesi Türkmenistanda hem bar. Ol «Aşgabat» söwda we dynç alyş merkezindäki «Çaý» restoranynda işleýär. Şol çaý ussady hem müşderileriň näme üçin «Çaý» restoranynyň çaýyna eýýäm bir gezekden soň maýyl bolýandyklaryny gürrüň berdi.
Şähdiňi açýan çaý, ýadawlygyňy aýyrýan çaý, gan basyşyňy kadalaşdyrýan çaý, öt halta üçin peýdaly çaý, içege üçin çaý, iýmit siňdirişi gowulandyrýan çaý, çaýdan kokteýl...
Çaýyň ynsan saglygy üçin peýdaly aýratynlyklarynyň bardygyny hemmeler tassyklar, emma onuň haýsy görnüşiniň nähili aýratynlyklara eýedigini welin diňe şol ugurdan ökde hünärmenler has anyk aýdyp biler.
Çaý medeniýeti türkmen halkynda ata-baba dowam edip gelýän oňyn däpleriň biridir. Gelen myhmana ilki bilen çaý hödürlenmegi hem onuň gymmatyny görkezýär. Ýurdumyzda ata-baba dowam edip gelýän çaý medeniýetini döwrebap usulda ösdürmek maksady bilen hem, Türkmenistanda çaý ugruna ýöriteleşen ilkinji hem ýeke-täk «Çaý» restorany açyldy. Restoran ýurdumyzyň dürli künjeklerinden ýaşaýan ýaşululardan çaý demlemek boýunça ata-baba gelýän tejribelerini bir ýere topladylar. Ýurdumyzda bitýän birnäçe otlary garyp, çaýyň täze görnüşini taýýarladylar. Diňe bir ýurdumyzyň däl, eýsem, dünýäniň dürli ýurtlarynyň, hususan-da, ýapon, hytaý, hindi çaý medeniýetiniň aýratynlyklary öwrenildi. Şol ýurtlardan ýörite çaýlar getirildi. Türkmeniň halkynyň Milli Lideri Gurbanguly Berdimuhamedowyň «Çaý — melhem hem ylham» kitaby nusga edildi. Garaz, çaý ugrundan 10 ýyla golaý tejribe toplanyldy.
Kofe derek çaý
Kofeniň bu günki gün dünýäde meşhurdygyna şübhe ýok. Emma çaý bilen deňeşdirilende, onuň peýdaly täsirleri asgyn gelip biler. Emma muňa garamazdan, gününi kofesiz başlamaýan adamlar köp. «Çaý» restorany bu ýörelgäni üýtgedip, günüňi çaýdan diňe bir başlap däl, eýsem, günüňi çaý bilen tamamlap bolýandygyny hem ýatladýar. Munuň üçin restoranyň eltip bermek hyzmaty her gün 9:00-dan 22:00-a çenli elýeterlidir.
Ýöne şonda-da, restoranda bar bolan çaýlaryň käbir görnüşini içmek üçin hökmany suratda şol ýere barmaly bolar. Çünki çaý somelýesiniň düşündirmegine görä, çaýlaryň käbir görnüşi gaplara gaplananda peýdaly täsirini gaçyrýar.
«Çaý» restorany sport bilen meşgullanýanlary hem ýatdan çykarmady. Sport bilen meşgullanýanlar üçin türgenleşiklerden soň içilýän çaýdan kokteýl hödürlenilýär.
Göwün söhbet islär,
Çaý bir bahana...
«Çaý» restoranynda diňe çaý däl, eýsem, tagamlaryň hem dürli görnüşleri bar. Dowam edýän Oraza aýynda restoran açyk menýusyny hödürleýär.
«Çaý» restoranyna baranyňyzda çagalaryňyzy hem hökman ýanyňyz bilen alyp gelip, çünki siz maşgalaňyz bilen dynç alýan wagtyňyz körpeler restoranyň çagalar meýdançasynda oýnap bilerler. Ene-atalar bolsa, planşetden çagalaryny yzarlap bilerler.
Habarlaşmak üçin telefonlar:
18-00-20; 18-00-30; 18-00-50
Salgysy: «Aşgabat» söwda we dynç alyş merkezi, 1-nji gat, B-1, 33
