World Car Of The Year (WCOTY) bäsleşiginiň emin agzalary “Ýylyň bütindünýä awtoulagyny” kesgitledi diýip, WCOTY-nyň resmi saýtynda aýdylýar. Bäsleşigiň bilermenler toparyna dünýäniň dürli künjeklerinden 100-den gowrak awtoulag žurnalisti girýär.
Ýylyň dünýä awtoulagy diýen ady almak ugrunda on model özara bäsleşdi. Şeýle-de bolsa, bu hormatly ada Koreýanyň Hyundai Ioniq 6 elektrik awtoulagy mynasyp boldy. Üstesine-de, ol birbada üç baýrak aldy. Agzalan elektrokar ýylyň dünýä awtoulagy diýen ada eýe bolmakdan başga-da, bu kategoriýalarda Lusid Air-dan we Land Rover Range Rover -dan ozduryp, “Ýylyň elektrik awtoulagy” we "Ýylyň dizaýny" atlaryna eýe boldy. Geçen ýyl bu baýraklaryň üçüsinem Koreýanyň elektrik awtoulagy - Hyundai Ioniq 5 -iň alandygyny ýatladýarys.
Emin agzalary amerikan sedany Lucid Air-i BMW 7 Series-den we Genesis G90-dan öňe geçen iň gowy premium awtoulag diýip atlandyrdylar. Citroen C3 iň gowy şäher awtoulagy boldy. Onuň bilen Hytaýyň Ora Haomao-sy we Volkswagen Nivus-y bäsleşdi. Iň oňat sport awtoulagy Kia EV6 GT boldy. Ol Ýaponiýanyň Toyota Yaris GR-syndan we Nissan Z -inden ozdurmagy başardy.
