Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy diňe bir ýurdumyzyň çäginde hereket etmän, eýsem, dünýä ýurtlarynda ýaşaýan çagalaryň hem bagtyýar geljegine gönükdirilen işleri amala aşyrýar. Bu barada Türkmenistanyň Halk Maslahatynyň Başlygy Gurbanguly Berdimuhamedow Arkadag şäherine amala aşyran iş saparynyň barşynda belledi.
Haýyr-sahat gaznasyndan Türkiýede bolup geçen pajygaly ýertitremesinden ejir çeken çagalara hem-de Ukraina halkynyň çagalaryna degişli ýükler ugradyldy. Bu bolsa gaznanyň işiniň çäginiň giňelýändigini görkezýär.
Şunuň ýaly halkara ähmiýetli ynsanperwer kömekleri mundan beýläk hem dowam eder diýip, Gurbanguly Berdimuhamedow belledi.
