Maý aýynda Türkmenistanda Özbek kinosynyň günleri geçiriler. Özbek tarapynyň islegini göz öňünde tutup, bu medeni çäre diňe bir Aşgabatda däl, eýsem, Türkmenistanyň Özbegistan bilen serhetleşýän welaýatlarynyň merkezlerinde hem geçiriler diýip, ORIENT agentligi habar berýär.
Döredijilik çärelerine meşhur özbek artistleriniň hem-de kinematografçylarynyň gatnaşmagyna garaşylýar.
Çäräni geçirmek hakynda ylalaşyk Özbegistandaky türkmen ilçisi Ýazguly Mämmedowyň Daşkentde Özbegistanyň Kinematografiýa agentliginiň baş direktory Şuhrat Rizaýew bilen geçiren duşuşygynyň barşynda gazanyldy.
Özbegistanda Türkmen kinosynyň günlerini sentýabr aýynda geçirmek meýilleşdirilýär.
