Rossotrudniçestwo we degişli türkmen edaralary Türkmenistanyň raýatlary üçin Russiýa Federasiýasynyň orta hünär we ýokary bilim edaralarynda döwlet tarapyndan maliýeleşdirilýän ýerler üçin kwotalaryň köpelmegini sorady. Bu barada Russiýanyň Aşgabatdaky ilçihanasynyň birinji sekretary Ýuliýa Zaýsewa aýtdy, diýip TASS habar berýär.
«Russiýanyň hökümeti geljek ýylda Türkmenistan üçin 250 býujet ýeriň kwotasyny bölüp berdi. Ýüz tutmalaryň sany bolsa 2 müňden hem gowrak”, diýip, Zaýsewa aýtdy.
“Şu ýyl kwotalaryň 500-e çenli ýokarlandyrylmagyny haýyş etdik. Şeýle teklip bilen Türkmenistanyň Bilim ministrligi Russiýanyň Bilim we ylym ministrligine ýüz tutdy” diýip, Zaýsewa düşündirdi.
Dalaşgärler distansion (uzak aralykdan) test barlagyny tabşyrmaly we söhbetdeşlikden geçmeli. Şonuň netijelerine esaslanyp, Russiýanyň uniwersitetlerine ýazylmak barada karar kabul ediler.
