Türkmenistanyň Prezidenti Serdar Berdimuhamedow 10-11-nji aprelde Täjigistana resmi saparyny amala aşyrar. Bu barada «AsiaPlus» neşiri Täjigistanyň Prezidentiniň metbugat gullugyna salgylanyp habar berýär.
Saparyň dowamynda Serdar Berdimuhamedow Täjigistanyň Hökümetiniň ýolbaşçylary bilen birnäçe ikitaraplaýyn duşuşyklary geçirer.
Täjik habar beriş serişdeleriniň habar bermegine görä, Duşenbe şäherinde Täjigistanyň Söwda-senagat edarasynda Türkmenistanyň Prezidentiniň saparynyň öňüsyrasynda iki ýurduň Işewür geňeşiniň birinji mejlisi, şeýle hem iki ýurduň işewürleriniň işewürler maslahaty geçiriler.
Bu çäreleri 8-9-njy aprelde geçirmek meýilleşdirilýär.
Şeýle hem iki ýurduň eksport harytlarynyň sergisi guralar.
