29-njy martda Türkmenistanda Saýlawlary we sala salşyklary geçirmek boýunça Merkezi toparyň nobatdaky mejlisinde Mejlisiň deputatlarynyň, welaýat, etrap, şäher halk maslahatlarynyň we Geňeşleriň agzalarynyň ählihalk saýlawlarynyň gutarnykly netijeleri jemlenildi.
Aşgabadyň hem-de welaýat saýlaw toparlarynyň teswirnamalarynyň esasyndaky maglumatlara görä, tutuş Türkmenistan boýunça:
- 258 dalaşgärden Türkmenistanyň Mejlisiniň täze çagyrylyşyna 125 deputat saýlandy;
- 2 müň 516 dalaşgärden, 240 welaýat we 960 etrap hem-de şäher halk maslahatlarynyň agzalary saýlandy;
- 12 müň 98 dalaşgärden 5 müň 897 Geňeş agzalary saýlandy.
Saýlanan deputatlaryň, halk maslahatlarynyň we Geňeşleriň agzalarynyň hatarynda Demokratik partiýanyň 3 müň 320 wekili, Senagatçylar we telekeçiler partiýasynyň 304 wekili, Agrar partiýasynyň 1 müň 513 wekili, raýatlar toparlarynyň 2085 wekili bar.
Merkezi saýlaw toparynyň mejlisinde Mejlisiň saýlanan deputatlarynyň , şeýle hem halk maslahatlarynyň we Geňeşleriň agzalarynyň sanawyna seredildi we tassyklanyldy. Hereket edýän milli kanunçylyga laýyklykda, bu sanawlar ýakyn günlerde köpçülikleýin habar beriş serişdelerinde çap ediler.
