Özbegistanyň Namangan şäherinde ýurtda iň uly lawaş taýýarlandy, ondan 80 metrlik şaurma ýasadylar. Ýerli neşirleriň habaryna görä, ajaýyp tagam Eýran we türki halklaryň arasynda astronomiki gün senenamasyna laýyklykda baharyň we täze ýylyň baýramy bolan Nowruzyň hormatyna taýýarlandy.
Jemi ýüz adam tarapyndan taýýarlanan we togalanan lawaşda 80 kg et, 40 kg pomidor we hyýar, 15 kg gowrulan kartoşka hem-de 20 litr sous bar. Önümiň agramy 160 kg. Öňki milli rekord Daşkentdäki 31,5 metrlik lawaşa degişlidi.
Emma, bu şaurma dünýä rekordyna-da ýakynlaşmady. Russiýanyň Rekordlar kitabyna görä, iň uzyn şaurma 2022-nji ýylyň dekabrynda Sankt-Peterburgdaky Vokzal 1853 azyk söwda merkezindäki Vlavaşe restoranynyň aşpezleri tarapyndan taýýarlanypdyr. Onuň uzynlygy 151 m, agramy 245,7 kg.
