Nowruz baýramçylygynyň bellenýän günlerinde Astanada baýramyň esasy tagamy bolan Nowruz kožesini taýýarlamak boýunça rekord goýuldy. Bu barada paýtagtyň akimatynyň resmi saýtyna salgylanyp, forbes.kz habar berýär.
Gazagystanyň rekordynyň goýlandygyny tassyklaýan şahadatnama Astananyň akimatyna we “Baýkonyr” sebitiniň akimatyna berildi. Jemi 2 100 litr Nowruz kožesi taýýarlandy. Rekord 2023-nji ýylyň 22-nji martynda hasaba alyndy.
Milli tagama öwrülen tagamly we peýdaly çorbany taýýarlamak üçin aşpezlere dogry bir gün, ýüzlerçe kilogram bugdaý, tüwi we et gerek boldy. Taýýar nahar Atatürk seýilgähiniň myhmanlaryna hödürlendi.
“Iki tonnadan gowrak Nowruz kožesi – hakyky rekord. Öň koženi taýýarlamak boýunça iň gowy görkeziji türkestanlylara degişlidi. Iki ýyl mundan ozal olar 2 müň litr Nowruz kožesini taýýarladylar. Şu gün bu rekord resmi taýdan täzelendi” – diýip, Gazagystanyň Ginnesiň rekordlar kitabynyň resmi wekili Kuandyk Kudaýbergenow belledi.
Aşpez Gülnara Žumabekowa Nowruz kožesiniň 60 – 150 litr göwrümli 10 gazanda taýýarlanandygyny, soňra olaryň her birine 95 litr tagam ýerleşen 20 bidona guýlandygyny aýtdy.
