Türkmenistanda Saýlawlary we sala salşyklary geçirmek boýunça merkezi topar şenbe güni Türkmenistanyň Mejlisiniň deputatlarynyň saýlawlaryna gatnaşmak üçin hasaba alnan saýlawçylaryň sanynyň 3,5 milliondygyny aýtdy.
"2023-nji ýylyň 12-nji martyna çenli ýurtda 3 496 475 saýlawçy hasaba alyndy. Daşary ýurtlarda 13 078 saýlawçy ses berer" - diýlip habarda aýdylýar.
Häzirki wagtda 2644 saýlaw uçastogynyň, şeýle hem olaryň 42 sanysynyň Türkmenistanyň daşary ýurtlardaky diplomatik wekilhanalarynda we konsullyklarynda döredilendigi bellenilýär. Saýlaw toparynyň 23 000-den gowrak agzasy saýlawlary geçirmek üçin guramaçylyk işlerini alyp barýarlar.
Saýlawlara 2 855 milli synçy we BMG, GDA, Türki döwletleriň guramasy, Şanhaý Hyzmatdaşlyk Guramasy, Ýewropada howpsuzlyk we hyzmatdaşlyk guramasynyň Demokratik institutlar we adam hukuklary býurosy ýaly halkara guramalaryň wekilleri gözegçilik eder. Şeýle-de, daşary ýurtlaryň habar beriş serişdeleriniň wekilleri geler.
“Türkmenaragatnaşyk” agentligi 240 saýlaw uçastogyny wideo kameralar bilen enjamlaşdyrmak üçin iş alyp barýar. Ses berişlik 26-njy martda ýerli wagt bilen 07:00-dan 19:00-a çenli Merkezi saýlaw toparynyň saýtynda göni ýaýlymda görkeziler.
Türkmenistanyň Mejlisiniň deputatlarynyň saýlawlaryny 26-njy martda geçirmek meýilleşdirilýär. Şeýle hem şol gün welaýat, etrap, şäher halk maslahatlarynyň we Geňeşleriň agzalary saýlanar.
