Türkiýäniň Merkezi banky ýanwar aýynda 23 t altyn satyn aldy, bu hem ony bu döwürde dünýäniň iň uly gymmat metal satyn alyjysyna öwürdi. Altyn boýunça Bütindünýä geňeşiniň maglumatlaryna görä, häzirki wagtda ýurtda 565 t altyn bolup, bu taryhy gözegçiligiň dowamynda iň ýokary görkezijidir. Bu barada forbes.kz belleýär.
Hytaýyň Halk banky we Gazagystanyň Milli banky degişlilikde 15 t we 4 t metal satyn alyp, ululygy boýunça ikinji we üçünji altyn satyn alyjylary boldular.
Altyn inflýasiýadan gorag serişdesi hökmünde Türkiýäni dünýädäki iň uly metal satyn alyjysyna öwürýär diýip, Bloomberg belleýär. Altyn ony walýuta we inflýasiýa basyşyndan ätiýaçlandyryş hökmünde ulanýan öý hojalyklarynyň arasynda-da meşhur harytdyr.
2023-nji ýylyň fewral aýynda Türkiýe weýran ediji ýertitremeleriň ykdysady täsirini gowşatmak üçin altynyň importyny wagtlaýyn togtatdy. Mundan başga-da, hökümet altyn importyny ýurduň maliýe ulgamy üçin iň uly howp diýip hasaplaýar. 2022-nji ýylda Türkiýäniň häzirki amallarynyň hasap ýetmezçiligi 48,8 mlrd dollara çenli artyp, azyndan soňky on ýylda iň ulusy boldy.
Umuman alanyňda, 2022-nji ýylda Türkiýe 20,4 mlrd dollarlyk altyn import etdi. 2023-nji ýylyň ýanwar aýynda gymmat bahaly metallaryň importy 656% - 5,4 mlrd dollara çenli ýokarlandy, 68,3 t aýlyk rekord goýuldy.
