Fransiýanyň «Pari Sen-Žermen» klubunyň hüjümçileri Lionel Messi bilen Kilian Mbappe “Nanta” garşy oýny täze üstünlikler bilen tamamladylar.
“Goal-yň” habar bermegine görä, Messi şenbe güni Fransiýanyň çempionatynyň oýnunda “Nantyň” derwezesine gol geçirip, klub karýerasynda 1000 netijeli hereket belligine ýetdi. Indi dünýä çempionynyň hasabynda “PSŽ-niň” we “Barselonanyň” oýunlarynda 701 gol we 299 netijeli geçirim bar diýip, sport-interfax.ru habar berýär.
“Nanta” garşy oýun Paiž klubunyň peýdasyna 4:2 hasabynda tamamlandy. Oýnuň ikinji ýarymyna goşulan wagtda Mbappe oýna nokat goýdy. Onuň üçin bu takyk urgy taryhy boldy. Indi onuň hasabynda “PSŽ” üçin 201 gol bar we ol klubuň taryhynda iň gowy bombardir boldy. Öňki rekord eýesi urugwaýly Edinson Kawanidi (200).
