Müsürdäki Heopsyň piramidasynda öň näbelli bolan täze geçelge tapyldy. Bu barada Müsüriň Syýahatçylyk we gadymyýet ministri Ahmed Isanyň sözlerine salgylanyp, Al-Ahram gazeti habar berýär.
Geçelgäniň uzynlygy — dokuz metr we ini - 2,1 metr. Ol 2015-nji ýylda başlanan Giza ýadygärliklerini skanirlemegiň barşynda tapyldy.
Isa bu işiň ministrligiň, Müsüriň gadymy ýadygärlikleriniň işi boýunça geňeşiniň we ABŞ-nyň, Fransiýanyň, Ýaponiýanyň, Germaniýanyň we Kanadanyň ýokary okuw mekdepleriniň hyzmatdaşlygynda amala aşyrylandygyny aýtdy.
Gizanyň piramidalar toplumynyň ýaşy 4500 ýyldan geçýär. Ol Kairiň golaýyndaky Nil derýasynyň günbatar kenaryndaky adybir platoda ýerleşýär we IV nesilşalygyň faraonlarynyň: Heopsyň, Hefreniň we Mikeriniň piramidalaryndan (takmynan 2639-2506-njy ýyllarda höküm sürýär) ybarat.
Birinjiniň gubury (takmynan 2579-2556-njy ýyllarda ýaşap geçen faraon Hufu adynyň grek görnüşi) - üç Beýik Piramidanyň iň ulusy we gadymysydyr. Onuň asylky beýikligi 147 metr bolupdyr. Ol her biriniň ortaça agramy 2,5 tonna bolan 2,3 million hek daşyndan durýar. Faraonyň özüniň mumyýasy entek tapylmady.
