Fransiýanyň prezidenti Emmanýuel Makron 16-njy fewralda Ýeliseý köşgünde geçirilen şahsy dabarada Amazon kompaniýasyny esaslandyryjy Jeff Bezosa ýurduň ýokary baýragy bolan Hormatly legion ordenini gowşurdy diýip, Bloomberg çeşmelere salgylanyp habar berýär. Muny rbc.ru ýetirýär.
Agentligiň söhbetdeşleriniň aýtmagyna görä, Bezos on ýyl mundan ozal şol wagtky prezident Nikolýa Sarkozi tarapyndan (ýurdy 2007-nji ýyldan 2012-nji ýyl aralygynda dolandyrdy) Hormatly legion ordeni bilen resmi taýdan sylaglanypdy, ýöne Bezosyň özi ony almandy.
Bezos – dünýäniň iň baý adamlarynyň biri. Ol Bloomberg Billionaire Index reýtinginde dördünji orny eýeleýär. Onuň öňünde Tesla we SpaceX kompaniýalarynyň ýolbaşçysy Ilon Mask, Louis Vuitton Moёt Hennessy-nyň ýolbaşçysy Bernar Arno we Adani Group-y esaslandyryjy Gautame Adani ýerleşýär. 2022-nji ýylda Forbes-iň reýtinginde Bezos ikinji orunda ýerleşýärdi, onuň baýlygy 171 mlrd dollar bilen bahalandyrylýar.
2021-nji ýylda Amazon-yň baş müdiri wezipesinden çekilen Bezos 2020-nji ýylda durnukly ösüş we Bezos Earth gaznasy barada başlangyçlary ara alyp maslahatlaşmak üçin Makron bilen duşuşdy.
