«Türkmennebitönümleri» baş müdirliginiň Nebit önümleriniň peýdalanylyşyna gözegçilik gullugy bellenen tertipde «Türkmennebit» döwlet konserniniň göni garamagyna alnar we ol«Nebit önümleriniň peýdalanylyşyna döwlet gözegçilik gullugy» diýlip atlandyrylar.
24-nji fewralda geçirilen Hökümet mejlisinde Türkmenistanyň Prezidenti degişli Karara gol çekdi.
«Türkmennebit» döwlet konserniniň Nebit önümleriniň peýdalanylyşyna döwlet gözegçilik gullugy hakynda Düzgünnama tassyklanyldy.
«Türkmennebit» döwlet konserni Adalat ministrligi bilen bilelikde Karardan gelip çykýan üýtgetmeleri we goşmaçalary Türkmenistanyň kanunçylygyna girizmek baradaky teklipleri bir aý möhletde taýýarlar hem-de Ministrler Kabinetine berer.
Bellenilişi ýaly, bu resminama nebit önümleriniň saklanylyşyna we rejeli peýdalanylyşyna döwlet gözegçiliginiň netijeliligini artdyrmak maksady bilen kabul edildi.
