Bahreýniň Patyşasy Serdar Berdimuhamedowa ýurduň ýokary döwlet sylagyny gowşurdy

  • 22.02.2023 19:40
  • 26k+

22-nji fewralda Manamada geçirilen ýokary derejeli türkmen-bahreýn gepleşikleri tamamlanandan soňra, «Al Gudaýbiýýa» köşgüniň uly mejlisler zalynda Bahreýniň Patyşasy Şeýh Hamad bin Isa Al Halifa Türkmenistanyň Prezidentine Bahreýn Patyşalygynyň ýokary döwlet sylagyny — Şeýh Isa bin Salman Al Halifa adyndaky birinji derejeli ordeni gowşurdy.

Serdar Berdimuhamedow bu ýokary sylag üçin minnetdarlyk bildirip, ony Türkmenistana, türkmen halkyna hormatyň nyşany hökmünde kabul edýändigini belledi. Bu barada «Türkmenistan» gazetiniň elektron neşirinde habar berildi.
Bahreýn Patyşalygynyň ilkinji Emiri Şeýh Isa bin Salman Al Halifanyň adyny göterýän bu orden Bahreýn Patyşalygynyň ýokary döwlet sylagy hasaplanýar. Ol ýurduň häzirki Patyşasy Şeýh Hamad bin Isa Al Halifa tarapyndan 1999-njy ýylyň oktýabrynda döredilip, döwlet hem hökümet Baştutanlaryna, Mirasdüşer Şazadalara, wise-premýerlere, ministrlere, harby gullukçylara we beýlekilere bitiren aýratyn hyzmatlary üçin berilýär.
Belläp geçsek, Türkmenistanyň Halk Maslahatynyň Başlygy Gurbanguly Berdimuhamedow hem Bahreýniň Şeýh Isa bin Salman Al Halifa adyndaky birinji derejeli ordeni bilen sylaglanypdy.


düýn 16:48
10k+

Gurbanguly Berdimuhamedow Türki Döwletleriň Guramasynyň sammitine gatnaşmak üçin Azerbaýjana bardy

Şu gün, 7-nji oktýabrda Türkmenistanyň Halk Maslahatynyň Başlygy Gurbanguly Berdimuhamedow Türki Döwletleriň Guramasynyň döwlet Baştutanlarynyň XII sammitine gatnaşmak üçin, iş sapary bilen Azerbaýjan Respublikasynyň Gabala şäherine geldi...

düýn 06:49
8.4k+

Serdar Berdimuhamedow Wladimir Putini doglan güni bilen gutlady

Prezident Serdar Berdimuhamedow Russiýa Federasiýasynyň Prezidenti Wladimir Putine doglan güni mynasybetli tüýs ýürekden gutlaglaryny we iň gowy arzuwlaryny iberdi. Döwlet Baştutany Türkmenistanyň Russiýa Federasiýasy...

düýn 06:43
7.2k+

Serdar Berdimuhamedow Hatyra güni mynasybetli «Halk hakydasy» ýadygärlikler toplumyna gül goýdy

6-njy oktýabrda Hatyra gününde Prezident Serdar Berdimuhamedow «Halk hakydasy» ýadygärlikler toplumyna gül goýmak hatyra çäresine gatnaşdy. Bu gün 1948-nji ýylyň Aşgabat ýertitremesiniň pidalary hem-de söweş meýdanlarynda wepat bolanlar hatyralandy...

düýn 06:24
1.8k+

Türkmen wekiliýeti Tokioda ylmy-tehniki ugurlarda täze taslamalary maslahatlaşdy

3–4-nji oktýabrda Türkmenistanyň Oguz han adyndaky Inžener-tehnologiýalar uniwersitetiniň rektory G.Mezilowyň ýolbaşçylygyndaky wekiliýeti Ýaponiýanyň Tokio şäherine sapary amala aşyrdy. Saparyň dowamynda wekiliýet Ýaponiýanyň ylmy-tehniki ugrunda iş alyp barýan döwlet edaralarynyň, guramalarynyň we kompaniýalarynyň ýolbaşçylary bilen birnäçe duşuşyklary geçirdi...