Açyk howada dolandyrylýan uçýan awtomobilleriň ilkinji synaglary Kýusýu adasyndaky Oita şäherinde geçirildi. Bu barada uçuşy gurnan Masc kompaniýasynyň wekili TASS-yň habarçysyna habar berdi.
“Şu günki synag hiç hili hadysasyz geçdi we üstünlikli tamamlandy” – diýip, kompaniýada bellenilýär.
Iki adamlyk salony bolan kwadrokoptere meňzeş uçýan enjam synag wagty 30 m belentlige galyp, 3 minutda 431 m aralygy geçdi. Uçuşyň tizligi sagatda 36 km boldy.
Uçýan awtomobil dolandyrylýan enjam bolup durýar, ýöne uçuş synaglary awtodolandyryjynyň ulanylmagy bilen geçirildi, şonuň netijesinde enjam öňünden programmalaşdyrylan traýektoriýa boýunça uçdy.
Soňky döwürde Ýaponiýanyň uçýan awtoulag tehnologiýasyny ornaşdyrmaga gönükdirilen işleri çaltlaşdyrýandygyny bellemek gerek. Bu ABŞ-nyň, Ýewropa Birleşiginiň we Hytaýyň kompaniýalary tarapyndan bäsdeşligiň güýçlenmegi bilen baglanyşykly bolup biler.
