Russiýanyň S7 Airlines awiakompaniýasy Moskwa — Aşgabat ugry boýunça yzygiderli gatnawlary dikeldýär. Gatnawlar hepdede bir gezek — her hepdäniň duşenbe günleri Airbus A320 uçarlarynda ýerine ýetiriler diýip, Russiýanyň Türkmenistandaky ilçihanasynyň Konsullyk gullugy habar berýär.
Moskwadan ilkinji gatnaw 20-nji fewralda uçup, Aşgabadyň Halkara howa menzilinde gonar. Moskwadan uçuş wagty — 03:05, Aşgabada gonuş — 09:05. Ýerli wagt görkezilen.
Belläp geçsek, S7 Airlines mundan öň Türkmenistana diňe bir gatnawy — her hepdäniň penşenbe güni Moskwadan Türkmenbaşy şäherine gatnawlary ýerine ýetirýärdi. Indi rus awiakompaniýasy Türkmenistana hepdede iki ugur boýunça — Moskwa-Aşgabat (duşenbe) we Moskwa-Türkmenbaşy (penşenbe) ugurlary boýunça gatnawlary ýerine ýetirer.
S7 Airlines eýýäm Aşgabat ugry boýunça biletleriň satuwyny başlady. Moskwadan bir tarapa biletiň bahasy ýan goşsuz 22,348 rubl we ýan goşly 27,868 rubl (bahalar 2023-nji ýylyň 17-nji fewralyndaky).
Moskwadan Aşgabada we Türkmenbaşa awiabiletleri kompaniýanyň saýtyndan satyn alyp blar. Oflaýn biletler S7 Airlines awiakompaniýasynyň Aşgabatdaky wekilhanasyndan elýeterlidir.
Salgysy: Aşgabat ş., Atamyrat Nyýazow şaýoly, 174-nji jaý (sokol gaty)
Wekilhana duşenbe-anna günleri 09:00-dan 18:00-a çenli işleýär (13:00—14:00 arakesme).
Telefonlar: +99312210592; +99312210593.
