Şu gün, 15-nji fewralda Türkmenistanyň Prezidenti Serdar Berdimuhamedow «Gazpromyň» ýolbaşçysy Alekseý Milleri kabul etdi. Duşuşygyň barşynda taraplar gaz ulgamynda özara gatnaşyklaryň geljegini ara alyp maslahatlaşdylar diýip, rus holdinginiň habarynda aýdylýar.
«Şu gün «Gazpromyň» wekiliýetiniň Türkmenistana iş sapary boldy. Saparyň barşynda Aşgabatda Alekseý Milleriň Türkmenistanyň Prezidenti Serdar Berdimuhamedow hem-de Türkmenistanyň Halk Maslahatynyň Başlygy Gurbanguly Berdimuhamedow bilen duşuşygy geçirildi. Duşuşyklarda gaz ulgamynda özara gatnaşyklaryň häzirki ýagdaýy hem-de geljegi maslahatlaşyldy» - diýlip habarda aýdylýar.
«Gazpromyň» wekiliýeti geçen ýylyň awgustynda hem hem Türkmenistana iş saparyny amala aşyrdy.
Belläp geçsek, «Gazpromyň» Türkmenistandaky wekilligi 2003-nji ýyldan bäri hereket edýär.
