Amerikanyň Tesla elektrik awtoulagyny öndürýän kompaniýasynyň işgärleri kompaniýanyň taryhynda ilkinji gezek aýlyk haklarynyň galdyrylmagyny talap edip, iş taşlaýyş guramagy meýilleşdirýärler. Bu barada sişenbe güni Bloomberg habar berdi.
Onuň berýän maglumatyna görä, Nýu-Ýork ştatynyň Buffalo şäherindäki zawodyň işgärleri, soň iş taşlaýyş geçirmek üçin, kärdeşler arkalaşygyna birikmek kampaniýasyna başladylar. Agentligiň belleýşi ýaly, Tesla-nyň ýolbaşçylygy ozal ABŞ-daky zawodlarynda kärdeşler arkalaşyklarynyň döredilmegine üstünlikli garşy durup gelýärdiler.
Işgärler aýlyk haklarynyň galdyrylmagyny hem-de öz aýdyşlaryna görä, saglyga zyýan ýetirýän iş ýüküni ýeňletmegi talap edýärler. Kärdeşler arkalaşygynyň guramaçylyk komitetiniň wekili Al Çelli: "Adamlar özlerine robot ýaly garalmagyndan ýadady" - diýdi. Işçileriň aýtmagyna görä, Tesla-nyň ýolbaşçylary hatda, işgärleriň näçe wagt sarp edýändiklerini kesgitlemek üçin, kompýuteriň düwmelerine gözegçilik edýärler.
