«Kia» kompaniýasy Rio modeliniň Ýewropa ýurtlarynyň we Angliýanyň bazarlary üçin önümçiligini we satuwyny bes eder. Bu barada Autocar ýazýar. Neşiriň çeşmeleri kompaniýanyň bu kararyny belli bir modele, şeýle-de, umuman, B segmentine bolan islegiň azalmagy bilen baglanyşdyrýar. Ýewropada Kia-nyň Rio modeliniň gönüden-göni ornuny tutjak başga model bolmaz.
2022-nji ýylda ýewropaly alyjylar Rio-den 32,5 müň nusga satyn aldylar, bu bolsa bir ýyl ozalkydan 9% azdyr. Modeliň gönüden-göni bäsdeşlerinden biri bolan Opel Corsa hetçbekinden şol döwürde 164 müňden gowrak nusga satyldy.
Beýik Britaniýada 2021-nji ýylda satyn alnan 90 müňden gowrak Kia awtoulagynyň diňe Rio-nyň paýyna düşeni bary-ýogy 3800 birlik boldy. Kompaniýanyň Koreýadaky zawodynda Rio-nyň Ýewropa görnüşiniň önümçiliginiň haçan togtadyljakdygy entek belli däl, ýöne neşir yklyma täze awtoulaglaryň importynyň eýýäm togtadylandygyny we sargytlaryň bes edilendigini çaklaýar.
Hatardaky boş ýeri şol bir platforma esaslanýan kiçijik krossower Kia Stonic eýelär.
