Iň ygtybarly awtoulaglary bolan markalaryň täze sanawynda Lexus brendi birinji orna çykdy, Kia köpçülikleýin model öndürijileriniň arasynda öňdebaryjylygyny saklady. Bu J.D. Power tarapyndan neşir edilen barlag netijelerinden gelip çykýar. Muňa ugurdaşlykda seljerijiler awtoulag pudagynyň umumy hiliniň ýokarlanandygyna garamazdan, köpçülikleýin we premial markalaryň arasyndaky ygtybarlylyk aratapawudynyň iň ýokary derejä ýetendigini bellediler.
Bu agentlik sanawy 9 bölüme jemlenen 184 kategoriýa boýunça üç ýaşa çenli awtoulaglaryň eýeleri bilen geçirilen pikir soraşmalaryň esasynda düzýär. Ulanyjylar näsazlyklar baradaky sowallara jogap berýärler, mysal üçin, güýç gurluşlarynda, media ulgamlarynda, şassi we ş.m. Netijede, belli bir modeliň 100 ulagyndaky näsazlygyň ortaça sany netijäni emele getirýär.
Bu ýyl 100 awtoulagda 133 näsazlyk bilen umumy ýeňiji Lexus brendi boldy. Şeýle hem, ol premial markalaryň sanawynda hem birinji ýeri eýeledi. Bu segmentiň ilkinji üçlüginde Genesis (144) we Cadillac (173) bar. 186 kemçilikden ýokary diňe BMW premial brendi 184 bal bilen pudagyň ortaça derejesinden ýokary boldy.
Iň ygtybarly köpçülikleýin öndürilen awtoulaglaryň ilkinji bäş öndürijisi Kia (152 bal), Buik (159), Chevrolet (162), Mitsubishi (167) we Toyota (168) boldy. Kia J.D. Power-iň bu sanawynda üç ýyl bäri öňdeligi bermän gelýär. Posche bilen Mersedes-Benz ýaly premial brendler, esasan, sanawyň aşagyndady, ondan soň Audi (252), Lincoln (259) we Land Rover (273) gelýär. Ýylyň dowamynda bahasy 77 bal ýokarlanan Ramda awtoulaglaryň hili babatynda yhlasly işlenipdir, emma häzirlikçe marka umumy sanawda 17-nji orny eýeledi.
