«Bereketli toprak» gazetiniň baş redaktory Azat Jepbarowa Türkmenistanyň Halk Maslahatynyň köpçülikleýin habar beriş serişdeleri boýunça metbugat wekili wezipesi ýüklenildi. Bu barada 4-nji fewralda Gurbanguly Berdimuhamedow Aşgabat we Arkadag şäherlerine iş saparynyň barşynda aýtdy.
Gurbanguly Berdimuhamedow Azat Jepbarowa bu işleri alyp barmak babatda birnäçe maslahatlary berdi. Türkmenistanyň Halk Maslahatynyň özüniň internet-saýtynyň döredilmelidigi bellenildi. Onda Halk Maslahaty, onuň alyp barýan işleri we bu ugurdaky täzelikler baradaky maglumatlar öz beýanyny tapar.
Türkmenistanyň Halk Maslahatynyň Başlygy Türkmenistanyň Prezidentiniň metbugat sekretaryna bu ugurda alnyp barylýan işleri yzygiderli gözegçilikde saklamagy tabşyrdy.
