G.Ussanepesow başga işe geçmegi sebäpli, Ýokary kazyýetiň başlygy wezipesinden boşadyldy. Degişli Permana Serdar Berdimuhamedow ýurdumyzyň harby we hukuk goraýjy edaralarynda geçen, 2022-nji ýylda alnyp barlan işleriň netijelerine bagyşlap geçiren Mejlisinde gol çekdi.
Döwlet Baştutany B.Hojamgulyýewi Aşgabat şäher kazyýetiniň başlygy wezipesinden boşadyp, onuň işde gazanan tejribesini göz öňünde tutup, ony Türkmenistanyň Ýokary kazyýetiniň başlygy wezipesine belledi.
Şeýle hem başga işe geçmegi sebäpli, Ýokary kazyýetiň başlygynyň orunbasarlary M.Söýünow hem-de Ö.Muhammedow wezipelerinden boşadyldy.
Serdar Berdimuhamedow T.Hudaýnazarowy hem-de G.Hudaýberdiýewi Ýokary kazyýetiň başlygynyň orunbasarlary wezipesine belledi.
T.Hudaýnazarow öň Aşgabat şäheriniň Büzmeýin etrap kazyýetiniň başlygy wezipesinde, G.Hudaýberdiýew bolsa Mary welaýat kazyýetiniň başlygy wezipesinde işleýärdi.
