FlyDubai awiakompaniýasy koronawirus pandemiýasy zerarly Türkmenistana gatnawlaryny togtadanyndan üç ýyla golaý wagtdan soň, Dubaý-Aşgabat-Dubaý ugry boýunça ilkinji ýolagçy gatnawyny amala aşyrdy.
Awiagatnadyjynyň uçary 23-nji ýanwarda 23:55-de Dubaýdan uçup, 24-nji ýanwarda 03:25-de Aşgadabyň Halkara howa menzilinde gondy. Türkmen paýtagtyndan 04:35-de yzyna uçup, 06:30-da Dubaýyň Halkara howa menziline bardy.
FlyDubai awiakompaniýasy her hepdäniň duşenbe we penşenbe günleri Aşgabada, sişenbe we anna günleri bolsa Dubaýa gatnawlary ýerine ýetirer.
Awiakompaniýanyň resmi saýtynda Aşgabat-Dubaý ugry boýunça ekonom-klasyň awiapeteginiň bahasy 328,40 dollar, yzyna gaýdyş petegi – 331,90 dollar (2023-nji ýylyň 24-nji ýanwaryndaky ýagdaýa görä).
Aşgabatda petekleri awiakompaniýanyň edarasyndan satyn alyp bolýar.
Salgysy: Seýitnazar Seýdi köçesi, 19/1 jaý (Atamyrat seýilgähi).
Goşmaça maglumat almak üçin: 92-01-66.
