Türkmen hünärmenleriniň «Onlaýn Hyzmat» ykjam goşundysy biznes üçin mümkinçiliklerini giňeldýär: indi ulgama diňe bir şahsy ulanyjylar däl, eýsem telekeçiler — dükanlar, serwisler we onlaýn platformalar hem goşulyp biler. Bu platforma bank kartlary, şol sanda QR-kod arkaly tölegleri kabul etmäge mümkinçilik berýär.
Ulgama goşulmak üçin çylşyrymly tehniki sazlamalar, gymmat bahaly enjamlar ýa-da goşmaça hünärmen gerek däl. «Onlaýn Hyzmat» doly taýýar töleg infrastrukturasyny hödürleýär. Ol telekeçilere:
- tiz wagtda hem aňsatlyk bilen ulgama goşulmaga,
- tölegleri kabul etmek işini has aňsatlaşdyrmaga,
- platformanyň ýokary depgin bilen köpelip barýan ulanyjylary bilen gönüden-göni baglanmaga mümkinçilik berýär.
Müşderileriň köpüsi indi nobata durup, artykmaç wagt ýitirmezden, tölegleri kart arkaly kabul edýänleri saýlaýar.
«Onlaýn Hyzmat» ulgamyna goşulmak bilen, telekeçiler Türkmenistanyň döwrebap töleg ekoulgamynyň bir bölegine öwrülýär.
Programmany App Store ýa-da Google Play dükanlaryndan ýükläp bolýar.
Platformada biznes-hasap açmak üçin 10-11-15 belgä ýüz tutup bilersiňiz.
