2022-nji ýylyň dowamynda dünýäde 7,8 million töweregi elektrokar satyldy. Wall Street Journal gazetiniň hasaplamalaryna görä, bu tutuş bazaryň 10% töweregi - neşir muny rekord görkeziji diýip atlandyrýar. Elektrokarlaryň agramly bölegi Hytaýda satyldy we Tesla bu ugurda iň netijeli öndürijidir.
2022-nji ýylda dünýäde elektrokarlaryň meşhurlygy, öňki ýyl bilen deňeşdirilende, 68% ýokarlandy.
Batareýaly awtoulaglaryň satuwynyň takmynan üçden iki bölegi Hytaýyň paýyna düşýär, bu ýerde takmynan her bäşinji täze awtoulag elektrikli, Ýewropada bolsa diňe her onunjy ulag şeýledir. ABŞ-da elektrokarlaryň meşhurlygy hasam pes bolup, 2021-nji ýylda bu görkeziji 3,2% bolanam bolsa, olaryň paýyna 6% -denem az düşýär.
Dünýäniň elektromobil bazaryndaky öňdelikçileriň arasynda Tesla-dan başga-da hytaýlylaryň BYD we SAIC konsernleri agzalýar. Teslanyň hytaý bazarynda hem bardygyny we Şanhaýda uly zawodynyň ýerleşýändigini bellemelidiris.
