«Mançester Siti» iňlis kluby 731 million ýewro girdejisi bilen, 2021/22 möwsümiň jemleri boýunça dünýäniň iň girdejili futbol klublarynyň sanawynda birinji ýeri eýeledi. Muny Deloitte tassyklaýar.
Şeýle hem ilkinji bäşlige Ispaniýanyň “Realy” (713,8 million), iňlis “Liwerpuly” (701,7 million) we “Mançester Ýunaýtedi” (688,6 million), Fransiýanyň “Pari Sen-Žermeni” (654,2 million) girýär.
Şol bir wagtyň özünde “Liwerpul” iň oňat ösüşi görkezdi, ol geçen ýyl ýedinji ýerden ilkinji üçlüge geçip, birinji gezek “Mançester Ýunaýtedden” öňe geçdi. Klub oýnuň geçirilýän güni ilkinji gezek 100 million ýewrodan agdyryp girdeji gazandy diýip, Deloitte-niň hasabatynda aýdylýar.
Ilkinji 20-likde Angliýanyň premýer-ligasynyň wekilleriniň (11 klubyň) agdyklyk edýändigi bellendi. Şol bir wagtyň özünde üç möwsümde ilkinji gezek ilkinji onluga üýtgeşmeler girdi: “Arsenal” “Ýuwentusy” on birinji orna geçirip, özi ilkinji onluga girdi.
2021/22 möwsüminde iň gowy 20 klubuň umumy girdejisi 9,2 milliard ýewro bolup, bu öňki möwsümiň görkezijisinden 13% köpdür. Ösüş COVID-19 pandemiýasy döwründen soň, janköýerleriň stadionlara gaýdyp gelmegi bilen baglanyşyklydyr.
