Dünýäniň iň garry ýaşaýjysy, Andre ady bilen has gowy tanalýan Lýusil Rendon 118 ýaşynyň içinde aradan çykdy diýip, Ginnesiň rekordlar kitabynyň saýtynda habar berilýär.
Ol 1904-nji ýylyň 11-nji fewralynda Fransiýanyň günortasynda dünýä indi. Şeýlelik bilen, Andre 119 ýaşynyň dolmagyna 25 gün galanda dünýäden ötdi.
Geçen ýylyň aprel aýynda bu fransuz zenanynyň doglanyna 118 ýyl 73 gün bolanda ony dünýäniň iň garry ýaşaýjysy diýip ykrar etdiler. Andre dokuz aý töweregi wagt bäri bu statusa eýe bolup gelýärdi. Ozal dünýädäki iň garry adam 119 ýaşynda aradan çykan ýapon Kane Tanaka hasaplanýardy.
Ginnesiň rekordlar kitabynyň wersiýasy boýunça, fransiýaly Luiza Kalman (1875-1997) ýer ýüzünde iň uzak - 122 ýyl ýaşady. Erkekleriň arasynda aşa uzak ýaşan ýaponiýaly Jiroemon Kimuradyr (1897-2013) - 116 ýaş.
