Horwatiýa täze 2023-nji ýyly täze walýuta bilen garşylar: 1-nji ýanwardan başlap ýurt ýewro geçýär. Ýewropanyň umumy walýutasynyň tapgyrlaýyn, ýöne çalt girizilmeginiň bir bölegi hökmünde bankomatlaryň ýarysyndan gowragy täze banknotlary paýlamak üçin täzeden ýükleniler. Horwatiýanyň kunasy we ýewro nagt tölegler üçin diňe 14 günüň dowamynda deň derejede ulanylar.
Horwatiýanyň Milli bankynyň başlygy Boris Wuýçiç raýatlara şeýle maslahat berdi:
"Ýanyňyzda biraz nagt pul saklasaňyz gowy bolar, sebäbi dynç günleri bank ulgamy geçiş ýagdaýynda bolar. Kartlar hem, internet-banking hem işlemez, şonuň üçin ätiýaçdan nagt puluňyz bolsa gowy. 2-nji ýanwardan eýýäm hemme zat ýerbe-ýer bolar we gowy işläp başlar".
2023-nji ýylyň 1-nji ýanwarynda Horwatiýa hem Şengen sebitine resmi taýdan goşular. Bu adamlaryň goňşy ÝB döwletleriniň arasyndaky serhetden pasport gözegçiliksiz geçip biljekdigini aňladýar. Emma Horwatiýanyň Bosniýa ýaly ÝB-ne girmeýän döwletler bilen serhetlerine has berk gözegçilik ediljekdigini aňladýar, sebäbi indi Horwatiýanyň üsti bilen Şengen sebitiniň beýleki ýurtlaryna hem girmäge mümkinçilik açylar.
