Noýabr aýynda Azerbaýjana baryp gören türkmen syýahatçylarynyň sany, geçen ýylyň degişli döwri bilen deňeşdirilende, 5,1 esse artdy diýip, Azerbaýjanyň Syýahatçylyk boýunça döwlet agentligine salgylanýan Trend ýazýar.
2022-nji ýylyň noýabr aýynda Azerbaýjana jemi 1600 türkmenistanly baryp gördi. 2021-nji ýylyň noýabrynda bolsa agzalan ýurda Türkmenistandan jemi 308 syýahatçy barypdy. Agentligiň maglumatyna görä, 2022-nji ýylyň noýabrynda Azerbaýjana baryp gören syýahatçylaryň sany boýunça Türkmenistan ýurtlaryň ilkinji 15-ine girdi.
Üstümizdäki ýylyň noýabrynda Azerbaýjana jemi 135 370 daşary ýurtly baryp gördi, bu görkeziji geçen ýylyň degişli döwri bilen deňeşdirilende 54% köpdür.
