10-njy dekabrda Indoneziýada «Leibniz International Math Olympiad Challenge 2022» atly halkara internet matematika bäsleşigi geçirildi. Bäsleşige 24 döwletden jemi 431 sany zehinli okuwçylar gatnaşdy.
Aşgabat şäheriniň dil derslerini çuňlaşdyryp öwredýän 87-nji ýöriteleşdirilen orta mekdebiniň 8-nji synp okuwçysy Maksat Taganow bürünç medala mynasyp bolmagy başardy.
Belläp geçsek, bu abraýly bäsleşik Türkmenistanyň Telekommunikasiýalar we informatika institutynyň ýanynda döredilen «Sanly çözgüt IT meýdança» hojalyk jemgyýetiniň ýardamy bilen internet arkaly geçirildi.
TmCars.info-nyň ýakynda türkmen mekdep okuwçylarynyň Tailand Patyşalygynda geçirilen «Online Halkara Matematika Bäsleşigi — 2022» atly halkara matematika bäsleşiginde hem üstünlikli çykyş edip, baýrakly orunlara mynasyp bolandygyny habar beripdi.
