Aşgabat şäheriniň dil derslerini çuňlaşdyryp öwredýän 87-nji ýöriteleşdirilen orta mekdebiniň okuwçylary Tailand Patyşalygynda geçirilen «Online Halkara Matematika Bäsleşigi — 2022» (Online International Math Challenge 2022) atly halkara matematika bäsleşiginde üstünlikli çykyş etdiler.
Bäsleşik 2022-nji ýylyň 18-19-njy noýabry aralygynda IT meýdançasynyň ýardamy bilen onlaýn görnüşde geçirildi. Matematika dersi boýunça halkara bäsleşigine 81 döwletden 5000-den gowrak zehinli okuwçylar gatnaşdy. Halkara matematika bäsleşigi 6 kategoriýa (ýaş aýratynlyk derejesi) boýunça geçirildi. Bu abraýly bäsleşige 87-nji ýöriteleşdirilen orta mekdepden jemi 13 sany okuwçy gatnaşyp, mekdebiň 10-njy synp okuwçysy Leýli Garlyýewa — I orna, 8-nji synp okuwçysy Hakberdi Orazow, 9-njy synp okuwçylary Meýlis Jumaýew, 10-njy synp okuwçysy Ýunus Emre Döwranow we 11-nji synp okuwçysy Merdan Akyjanow — II orna, 8-nji synp okuwçylary Maksat Taganow, Agajan Döwranow, 9-njy synp okuwçysy Aýjemal Gutlymyradowa — III orna, 6-njy synp okuwçylary Azat Nepesow, Bägül Aşyrowa, Aýşa Akmyradowa, 7-nji synp okuwçysy Gytlymyrat Gutlymyradow — Minnetdarlyk hatyna mynasyp boldylar.
Bäsleşikde topara mekdebiň matematika mugallymy Gurbanmyrat Jelaletdinow, Türkmenistanyň Telekommunikasiýalar we informatika institutynyň Maglumat ulgamlarynyň howpsuzlygy fakultetiniň mugallymy Mährijemal Nepesowa ýolbaşçylyk etdi.
Ýaş zehinli okuwçylarymyzyň halkara bäsleşiklerinde üstünlikli çykyş etmegi ýurdumyzyň bilim ulgamynda döredilip berilýän şertleriň aýdyň netijesi bolup durýar.
