Koreýa Respublikasynyň Daşary işler ministrligi Eýrandan raýatlaryny çykarmakda beren kömegi üçin Türkmenistanyň Hökümetine minnetdarlyk bildirdi. 24-nji iýunda Seuldaky Hökümet toplumynda geçirilen metbugat ýygnanyşygynda Koreýa Respublikasynyň Daşary işler ministrliginiň metbugat sekretary degişli beýanat bilen çykyş etdi diýip, Newscentralasia habar berýär.
«Eýranda ýaşaýan koreý raýatlaryna öz ýerlerinden üçünji ýurtlara howpsuz üstaşyr geçmeklerine goldaw berýändigi üçin, Türkmenistanyň Hökümetine tüýs ýürekden minnetdarlyk bildirýäris» - diýlip, beýanatda aýdylýar.
«Bu görkezilen raýdaşlyk ruhuna çuňňur minnetdarlyk bildirýäris, şeýle hem geljekde-de dostlugymyzy we hyzmatdaşlygymyzy has-da pugtalandyrmagy umyt edýäris» diýlip, habarda bellenilýär.
