Hindistanyň Odişa ştatyndan bir balykçy bir gezekde 29 sany seýrek Telia Bhola balygyny tutup, garaşylmadyk ýagdaýda utuş gazandy diýip, KalingaTV neşiri habar berdi.
Bu adam Digha derýasynyň deltasynda Nani Gopal traulerinde balyk tutýardy. Ol toruny çekende, oňa hersiniň agramy 20 kilograma barabar bolan 29 Telia Bholanyň düşendigini gördi. Beýle ýagdaýlar gaty seýrek duş gelýär - adatça şu balyklaryň birini, üçüsini ýa-da iň köpi, sekizisini tutmak başardýar.
Telia Bhola gymmatly balyk hasaplanýar. Sebäbi onuň ýüzgüç paklawuklaryndan Aziýanyň käbir ýurtlarynda halk lukmançylygynda hasaplanylyşyna görä, garramagy haýalladyp bilýän derman öndürmek üçin ulanylýar. Muny tassyklaýan hiç hili ylmy subutnama ýok, ýöne balyklara bolan isleg yzygiderli ýokarlanyp barýar.
Balyklary tutandan soň, balykçy derrew auksiona gitdi we ähli balygyny satdy. Balygy kompaniýa 3,3 million hindi rupiýasyndan (takmynan 38,1 müň amerikan dollary) satyn aldy.
Waka uly gyzyklanma döretdi: auksion diňe bir alyjylary däl, eýsem ýerli ýaşaýjylaryň we jahankeşdeleriň arasynda köp sanly tomaşaçyny hem özüne çekdi.
