Şu gün, 24-nji dekabrda Russiýa Federasiýasynyň 2023-2024-nji okuw ýyly üçin hökümet kwotasynyň çäklerinde daşary ýurtlulary, şol sanda türkmenistanlylary Russiýanyň ýokary okuw mekdeplerinde okatmak üçin arzalary kabul etmek başlandy. Bu barada «Russkiý öýi» — GDA-nyň işleri boýunça federal agentligiň resmi çeşmesi — Telegram-kanalyna salgylanýan Orient habar berýär.
Bellige almagyň maglumat ulgamy: https://education-in-russia.com/ salgysynda elýeterdir.
Suratyňy ýelmäp, anketa doldurmaly, pasportyň, bilim hakyndaky resminamanyň (ýa-da okan döwrüň hakyndaky güwänamanyň) skan-nusgasyny almaly we doldurylan anketany portalyň üsti bilen ýollamaly-da , elektron arzany “barlaga” ýagdaýa geçirmeli.
Resminalary kabul edişlik 2023-nji ýylyň 20-nji fewralyna çenli dowam eder.
Ýurtlarda dalaşgärleriň seçilip alnyşyna degişli sowallar boýunça Rossotrudniçestwanyň daşary ýurtlardaky wekilhanalaryna ýa-da RF-niň diplomatik wekilhanalaryna ýüz tutmaly.
Üstümizdäki okuw ýylynda 250 türkmenistanlynyň Russiýada mugt okamaga mümkinçilik alandygyny bellemelidiris.
