Amerikanyň Apple korporasiýasy 2023-nji ýylyň ortalaryna çenli MacBook noutbuklarynyň önümçiligini HHR-dan Wetnama bölekleýin geçirmek isleýär. Bu barada sişenbe güni çeşmelere salgylanyp, Nikkei gazeti habar berdi diýip TASS habar berýär.
"Şunlukda Apple öz önümlerini HHR-yň daşyna çykarmak üçin alternatiwa döretmäge çalyşýar" - diýip, neşiriň çeşmesi nygtady. Korporasiýanyň degişli meýilnamasy tehnologiýa çygrynda Waşington bilen Pekiniň arasyndaky düşünişmezlikler, şeýle hem koronawirusyň ýaýramak howpy sebäpli Hytaýyň hökümeti tarapyndan girizilen çäklendirmeler netijesinde önümçilik aýlawynda ýüze çykan düzgün bozulmalar bilen baglydyr diýip Nikkei belleýär.
Gazetiň maglumatlaryna görä, MacBook-y ýygnaýan kärhanalary Hytaýyň Çendu we Şanhaý şäherlerinde ýerleşen Apple her ýyl 20 milliondan 24 milliona çenli noutbuk öndürýär.
