«Iň köp diňlenen aýdym», «Iň gowy rep aýdymçy», «Gysga wagtda meşhurlyk gazanan aýdym»... Türkmenistanda ýörgünli aýdym-saz portaly bolan Aydym.com Täze ýylyň öňüsyrasynda ýylyň jemini jemledi.
Aydym.com 2022-nji ýyl boýunça portalda iň köp diňlenen aýdymy, aýdymçyny, iň köp görlen şekilli aýdymyny, iň gowy dueti, başga-da 20-ä golaý ugur boýunça ýeňijileri yglan etdi.
Ugurlar boýunça ýeňijiler diňleýjileriň tutuş bir ýylyň dowamynda Aydym.com portalynda (mobil goşundy + saýt) diňlän hem tomaşa eden aýdymlarynyň statistiki maglumatlary esasynda kesgitlenildi.
Dabara ýurdumyzyň meşhur sungat ussatlary gatnaşdylar.
Ugurlaryň doly sanawy şulardan ybarat:
- Iň köp diňlenen ýaş aýdymçy
- Gysga wagtda meşhurlyk gazanan aýdymçy
- Iň gowy cover
- Iň gowy ýaş music producer
- Iň gowy music producer
- Iň gowy mix master & Rec Vocal
- Iň gowy rep aýdymçy
- Iň köp diňlenen milli äheňdäki aýdymçy
- Iň gowy duet
- Iň köp diňlenen zenan aýdymçy
- Iň köp diňlenen aýdymçy
- Ýylyň iň şadyýan aýdymy
- Iň gowy daşary ýurt dilindäki aýdym
- Gysga wagtda meşhurlyk gazanan aýdym
- Iň köp diňlenen aýdym
- Iň köp diňlenen Albom
- Iň gowy soundtrack
- iň gowy cinematic video
- Iň gowy retro şekilli aýdym
- Iň köp görlen şekilli aýdym
- Aýdym-saz sungatyna goşan goşandy üçin
Dabaranyň barşynda Aydym.com şeýle hem geljek 2023-nji ýyl üçin meýilnamalary bilen tanyşdyrdy.
Aydym.com portaly iki ýyla golaý wagt bäri hereket edip gelýändigine garamazdan, ulanyjylaryň arasynda giň meşhurlyk gazandy. Portalda aýda 52 milliondan gowrak aýdym diňlenýär, 2 milliondan gowrak wideo görülýär. Aktiw ulanyjylarynyň sany 450 müňden geçýär. Portalda 700-den gowrak aýdymçy, 25 müňden gowrak aýdym bar. Sanlar gün-günden artýar.
Aydym.com ýaş aýdymçylaryň özlerini köpçülige tanatmagy üçin, şeýle hem ussat aýdymçylaryň aýdymlaryny köpçülige ilkinji bolup ýetirmekleri üçin mümkinçilikleri döredip berýän portalydyr.
Aydym.com-yň mobil görnüşini Google Play-dan: Aydym Play Market we App Store-den: Aydym App Store salgylardan ýükläp bilersiňiz.
Habarlaşmak üçin: moderteam@aydym.com
Web saýty: aydym.com
IMO/Telegram: +99363 330799
Şeýle hem okap bilersiňiz:
