Fransiýanyň Senatynyň Başlygy Žerar Larşe Gurbanguly Berdimuhamedowy özi üçin islendik amatly wagtda Fransiýa Respublikasyna sapar bilen gelmäge çagyrdy. Ýörite çakylygy Fransiýa Respublikasynyň Senatynyň «Fransiýa — Merkezi Aziýa» parlamentara dostluk toparynyň başlygy Erwe Moreý Türkmenistanyň Milli Geňeşiniň Halk Maslahaty bilen 9-njy dekabrda Aşgabatda geçiren duşuşygynda ýetirdi.
Gurbanguly Berdimuhamedow çakylygy minnetdarlyk bilen kabul etdi.
Söhbetdeşler iki ýurduň hyzmatdaşlygyny has-da giňeltmek üçin parlamentara gatnaşyklarynyň, şol sanda “Fransiýa — Merkezi Aziýa” parlamentara dostluk toparynyň uly mümkinçiligini peýdalanmagyň zerurdygyny bellediler. Şunuň bilen baglylykda, parlament diplomatiýasynyň mümkinçiliginiň ulanylmagyna üns çekildi.
Taraplar döwletara gatnaşyklara iki ýurduň özara düşünişmeginiň hem-de ýakynlaşmagynyň möhüm guraly hökmünde garap, mundan beýläk-de netijeli hyzmatdaşlyga taýýardyklaryny tassykladylar.
