Şu gün, 11-nji noýabrda Özbegistanda Samarkant şäherinde Türki Döwletleriň Guramasynyň döwletleriniň Liderleriniň sammiti geçiriler. Ýokary derejeli bu duşuşyk guramanyň adynyň Türki Geňeşden Türki Döwletleriň Guramasy adyna üýtgedilmeginden soň ilkinji sammit bolar.
Sammite Özbegistanyň, Azerbaýjanyň, Gazagystanyň, Gyrgyzystanyň we Türkiýäniň Prezidentleri, şeýle hem Wengriýanyň premýer-ministri we Türkmenistanyň Milli Geňeşiniň Halk Maslahatynyň Başlygy, TDG synçy döwletleriň wekilleri gatnaşar.
TDG sammitiniň temasy hökmünde «Türki medeniýetiň täze eýýamy: umumy ösüşe we abadançylyga tarap ugur» yglan edildi. Sammitiň netijeleri boýunça guramada başlyklyk Özbegistandan Türkiýä geçer, şeýle hem Samarkant Jarnamasy kabul ediler.
