Ýük awtoulaglaryny öndürmek boýunça dünýäde ikinji orny eýeleýän Şwesiýanyň Volvo AB konserni 2022-nji ýylyň üçünji çärýeginde arassa girdejisini ýokarlandyrdy, ýöne bu görkeziji bazaryň çaklamasyndan sähel pes boldy. Bu barada interfax.ru habar berýär.
Kompaniýanyň iýul – sentýabr aýlarynda arassa girdejisi geçen ýylyň degişli döwründäki 7,05 mlrd Şwesiýa kronasyna garşy 8,63 mlrd krona ($769,3 mln) boldy. Çärýek girdeji ýyllyk hasabynda 35% ýokarlanyp, 114,9 mlrd krona barabar boldy.
FactSet tarapyndan sorag edilen analitikler ortaça düşewündiň 8,71 mlrd krona, girdejiniň 107,51 mlrd krona derejesinde bolmagyny çaklapdylar.
Geçen çärýek ýük awtoulaglarynyň üpjünçiligi 21% ýokarlanyp, 53,303 müňe ýetdi, sargytlar bolsa 27% artyp, 64,689 müňe ýetdi. Şol bir wagtyň özünde gurluşyk enjamlarynyň iberilişi üçden bir, 14,018 müňe çenli, sargytlar 7,1%, 16,792 müňe çenli azaldy.
2022-nji ýylyň başyndan bäri Volvo-nyň kapitallaşdyrmasy 19,4%, 361,7 mlrd krona çenli peseldi.
