Madriddäki La-Pas ispan Uniwersitet hassahanasynyň hünärmenleri ýogalan adamyň içegesini diri adama oturtmak boýunça dünýäde ilkinji üstünlikli operasiýany amala aşyrdylar. Bu barada sişenbe güni «Kadena CEP» radiostansiýasy habar berdi.
Onuň berýän maglumatyna görä, beden agzasyny dünýä inen ilkinji aýyndan bäri içege näsazlygyndan ejir çekýän 13 ýaşly gyzjagaza oturtdylar. Geçirilen operasiýa La-Pas hassahanasyny Ispaniýanyň pediatriýa transplantasiýalarynyň ähli görnüşlerini geçirmäge ygtyýar berlen ýeke-täk medisina edarasyna öwürýär.
Beden agzasynyň aýratynlygy göz öňünde tutulyp, asistolik donordan alnan içege transplantasiýa üçin ozal hiç mahal ulanylmady.
Gyzjagaz eýýäm hassahanadan çykaryldy. Onuň özüni duýşy gowy.
