10-njy oktýabrda Türkmenistanyň Balkan welaýatynda tizligi sekuntda 14-19 metre ýetýän güýçli şemalyň öwüsmegine garaşylýar diýip, «Meteožurnal» neşiri habar berýär.
Hazar deňziniň orta böleginde tizligi sekuntda 15-20 metre, käýerlerinde 22 metre ýetýän güýçli şemal öwüsmegi mümkin. Tolkunlaryň beýikligi 2-2,5 metre çenli ýetip biler.
Windy meteoserwisiniň çaklamagyna görä, 10-njy oktýabrda şemalyň maksimal tizligi Balkanabat şäherinde - 21 m/s, Türkmenbaşyda - 10 m/s, Hazarda - 14 m/s, Bereketde - 18 m/s. Welaýatda ortaça temperatura +23 gradus bolar.
